- Terminarz - Klasa W Katowice-Sosnowiec (4) Piłka nożna
- Terminarz - Klasa W Opole gr. 1 Piłka nożna
- Terminarz - Klasa W Opole gr. 2 Piłka nożna
- Terminarz - V liga Opole Piłka nożna
- GKS Jastrzębie - Hutnik Kraków 5-0
- Terminarz - Klasa B Rybnik 1 Piłka nożna
- Pogoń Grodzisk Maz. - Polonia Bytom 2-0
- Odra Opole - Ruch Chorzów 0-2
- Chojniczanka Chojnice - Rekord Bielsko-Biała 2-0
- GKS Katowice - Radomiak Radom 1-2
-
I liga kobiet (Siatkówka) -
I liga (Siatkówka) -
Młodziki III liga Opole 2 (Piłka nożna) -
Młodziki III liga Opole 1 (Piłka nożna) -
Młodziki II liga Opole (Piłka nożna) -
Młodziki I liga Opole (Piłka nożna) -
Trampkarze III liga (Piłka nożna) -
Trampkarze II liga Opole (Piłka nożna) -
Trampkarze I liga Opole (Piłka nożna) -
Juniorzy młodsi II liga Opole (Piłka nożna)
Liga LIVE |
Ostatnie wyniki
|
Bydzie sie dzioło
![PostDateIcon](/templates/joomla_tranquility/images/PostDateIcon.png)
Piłka nożna - Klasa B - Strzelce Op. |
Chnet startuje szczelecko bundesliga. Niewtorzy już sie nie poradzom doczekać. Tyla czasu bez fusbalu, to łogupieć idzie. A styknie ino wjerzeć na tabela, coby zaro zaczło się goronco robić. No bo patrzcie ino, na piyrszym placu je Jemielnica i mocno się sadzi na awans. Nie bołoby w tym jeszcze nic dziwnego, ale zaro za Jemielnicom je Piotrówka i tyż sie sadzi na awans.
A wszyscy wiedzom jako to miyndzy Piotrówkom a Jemielnicom jest. Niby ta sama gmina, te same kibice, znajom sie jak łyse konie, ale jak przidzie do szpilu to niy ma zmiłuj sie. Ci z Piotrówki to sie niekiedy trocha śmiejom, że ze Jemielnicom to taki szpil dziebko na niby, bo ta richtich Piotrówka gro trocha wyżyj, ale zaś inksi padajom, że w tyj richtich Piotrówce grajom same murziny i po prawości to Piotrówka je jednak w bundeslidze.
Jak by na to nie wejrzeć, to już we drugiyj kolyjce Jemielnica mo mecz we Piotrówce i je blank pewne, że stadion bydzie połny, a wto wiy, czy i przijadom trzi syndziowie, bo jedyn to w takim meczu mog by mieć goronco. Trzech tyż leko mieć nie bydzie, bo kibice z Jemielnicy i Piotrówki dokładnie wiedzom, za kim kibicujom, a na przepisach sie znajom tyż, niekiej nawet lepiyj niż syndzia. Na drugi dziyń potym zaś som wszyscy kamraty i idom na piwo, ale o szpilu to sie potym godo bez tygodnie, abo i miesionce. Bo to je takie Kargulowe prawidło, przegrać szpil idzie i to nie jedyn, jak jednak sie gro ze swoim to choby świat sie miol zawalic, trza wygrać.
A tukej nie doś, że idzie o som szpil, to jeszcze je możliwe, co na bezrok Jemielnica abo Piotrówka awansuje do A-klasy i kożdy punkt może być fest ważny. I coby ino nie boło tak, że Jemielnica z Piotrówkom bydom sie żarły, a łobie przeskoczy Kadłub i za rok zaś bydymy mieć szpil: nasza wieś na łod nich wieś.